Bakı. 24 mart. REPORT.AZ/ ABŞ Hərbi Hava Qüvvələrinin çərşənbə axşamı Yəmənin cənub-şərqində "Əl-Qaidə" terror təşkilatının təlim düşərgəsinə endirdiyi hava zərbələri nəticəsində ölən yaraqlıların sayı 71 nəfərə çatıb.
"Report" xəbər verir ki, bu barədə cümə axşamı Yəmən hökumətinə istinadən "Franc-Press" agentliyi məlumat yayıb.
"ABŞ-ın Xadramaut əyalətinə endirdiyi aviazərbələr nəticəsində ölən "Əl-Qaidə" yaraqlılarının sayı 71 nəfərə çatıb, 28 terrorçu yaralanıb", — deyə məlumatda bildirilir.