ABŞ-ın Ukraynadakı Səfirliyi Kiyevdə işini bərpa edib

ABŞ-ın Ukraynadakı Səfirliyi Kiyevdə işini bərpa edib.

"Report" bu barədə "Reuters"ə istinadən xəbər verir.

Səfirliyin üzərində ABŞ bayrağı yenidən qaldırılıb.

Diplomatik missiyanın sözçüsü Daniel Langenkamp deyib ki, əvvəlcə az sayda diplomat Kiyevə qayıdacaq.

Onun sözlərinə görə, konsulluq əməliyyatları dərhal bərpa oluna bilməz və Dövlət Departamentinin Ukraynaya səyahətə qadağa qoyulması ilə bağlı tövsiyəsi qüvvədə qalır.

Qeyd edək ki, 30-dan çox xarici dövlətin səfirliyi artıq Kiyevdə işini bərpa edib.