ABŞ-ın Məxfi Xidməti Ağ Ev yaxınlığındakı atışmanın təfərrüatlarını açıqlayıb

Bakı. 4 mart. REPORT.AZ/ ABŞ-ın Məxfi Xidməti Ağ Ev yaxınlığındakı atışmanın təfərrüatlarını açıqlayıb.

"Report" "Qazeta.ru"ya istinadən xəbər verir ki, bu barədə xidmətin saytında bildirilib.

Qeyd edilir ki, Ağ Ev yaxınlığında atəş açan şəxs prezident administrasiyasının binasını hədəf seçməyib.

Xidmətin məlumatına görə, binanın hasarının yaxınlığında olan naməlum kişi tapançanı çıxararaq bir neçə atəş açıb. Güllələrdən heç biri Ağ Evə tərəf istiqamətlənməyib.

Nizamsız atəş nəticəsiində şübhəli şəxs xəsarət alıb. Bu yara sonradan onun ölümünə səbəb olub.