ABŞ-ın Meksika ilə sərhəddə divar tikməsi üçün 20 milyard dollardan çox vəsaitə ehtiyacı var

Bakı. 2 mart. REPORT.AZ/ ABŞ hökuməti hazırda Meksika ilə sərhəddə divarın tikintisinə yalnız 20 milyon dollar sərf edə bilər.

"Report" "Reuters"ə istinadən xəbər verir ki, ABŞ-ın Daxili Təhlükəsizlik Nazirliyindən isə divar tikintisi üçün 21,6 milyard dollar lazım olduğu bildirilib.

Sənəddə həmçinin 20 milyon dollar həcmində vəsaitin digər iki layihədən cəlb ediləcəyi göstərilib.

Agentlik ABŞ prezidenti Donald Tramp administrasiyasının indi layihəni həyata keçirmək məqsədilə əlavə vəsait ayrılması üçün Konqresi inandırmalı olduğunu vurğulayıb.