ABŞ-ın komiks yazıçısı və ssenaristi Sten Li vəfat edib - FOTO

Bakı. 13 noyabr. REPORT.AZ/ ABŞ-ın komiks yazıçısı, redaktor və ssenarist Sten Li vəfat edib.

"Report" TASS-a istinadən xəbər verir ki, bu barədə TMZ bildirib.

Məlumata görə, o, ABŞ-da 95 yaşında dünyasını dəyişib. Qeyd edilir ki, Sten Li Kaliforniya ştatında, Los-Ancelesdəki xəstəxanalardan birinə çatdırılıb və orada vəfat edib.

Qeyd edək ki, yazıçı fevralda ürək və tənəffüs problemi ilə bağlı xəstəxanaya yerləşdirilmişdi. Buna qədər Sten Li sağlamlığındakı problemlərinə görə tədbirlərdə iştirakını təxirə salıb.