Yuxarı

Kolorado ştatında atışma nəticəsində 1 polis yaralanıb

Asayiş keşikçilərinin avtomobili atəşə məruz qalıb

Bakı. 9 noyabr. REPORT.AZ/ Çərşənbə günü ABŞ-ın Kolorado ştatının Orora şəhərinin Denvera qəsəbəsində atışma nəticəsində bir polis əməkdaşı üz nahiyəsində güllə yarası alıb.

"Report" xəbər verir ki, bu barədə "Fox News" telekanalı məlumat yayıb.

Bildirilir ki, hadisə polislər şəhər küçələrindən birində əvvəllər baş vermiş silahlı insidentin araşdırılması ilə məşğul olan zaman baş verib. Naməlum şəxslər polis avtomobilinə atəş açıb. Yaralı asayiş keşikçisi xəstəxanaya çatdırılıb, onun həyatı üçün təhlükənin olmadığı bildirilir. Polis hadisə yerini mühasirəyə alıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi