Bakı. 20 iyul. REPORT.AZ/ ABŞ-da polis əməkdaşı güllələnib.
"Report" xarici mətbuata istinadən xəbər verir ki, hadisə Kanzas ştatının Kanzas-Siti şəhərində baş verib.
Məlumata görə, yaşayış məntəqəsinin şimal-şərqində atışma barədə xəbər almış asayiş keşikçisi olay yerimnə gedib. O, şübhəli şəxsi saxlamaq istəsə də buna nail olmayıb.
Cinayətkar açdığı atəşlə asayiş keşikçisini ağır yaralayıb.
Xəstəxanaya yerləşdirilmiş polis əməkdaşının həyatını xilas etmək mümkün olmayıb.