ABŞ-ın Kaliforniya ştatında zəlzələ bir sıra fəsadlar törədib - VİDEO

ABŞ-ın Kaliforniya ştatında zəlzələ 6,4 bal gücündə zəlzələ baş verib.

“Report” TASS-a istinadən xəbər verir ki, bu barədə Birləşmiş Ştatların Geologiya Xidməti məlumat yayıb.

Zəlzələnin episentri Los-Ancelesdən 195 kilometr şimalda, Rickrest şəhəri yaxınlığında, zəlzələ ocağı isə 9 kilometr dərinlikdə yerləşib.

Şəhər meri Peqqi Briden bildirib ki, zəlzələ bir sıra fəsadlar törədib. Belə ki, təbii hadisədən sonra şəhərdə 5 yanğın hadisəsi baş verib. Buna səbəb qaz kəmərinin sıradan çıxması olub.

Bundan əlavə, şəhərin bəzi yaşayış binaları da elektrik enerjisindən məhrum olub. Merin sözlərinə görə, zəlzələ zamanı ölənlərin olması barədə məlumat daxil olmayıb. Zərərçəkənlərin olub-olmaması dəqiqləşdirilir.