Yuxarı
    Bağlamaq

    ABŞ-ın hərbi gəmiləri "AirAsia" təyyarəsinin axtarışına qoşulub

    Dəstək xahişi ilə rəsmi Vaşinqtona İndoneziya höküməti müraciət edib

    Bakı. 31 dekabr. REPORT.AZ/ ABŞ hərbi donanmasına aid iki gəmi İndoneziyadan Sinqapura gedərkən düşdüyü ehtimal olunan "AirAsia" şirkətinə məxsus təyyarənin axtarışlarına qoşulub.

    "Report" RİA "Novosti" agentliyinə istinadla xəbər verir ki, Borneo adası yaxınlığında dənizə düşdüyü ehtimal edilən təyyarənin axtarışına dəstək xahişi ilə ötən gün rəsmi Vaşinqtona İndoneziya höküməti müraciət edib.

    Qeyd edək ki, "Airbus A320-200" tipli təyyarə İndoneziyanın Surabaya adasından Sinqapura gedərkən radarlardan itmişdi. Təyyarənin pilotu son dəfə pis hava səbəbindən istiqamətin dəyişməsi üçün icazə istəyib. Təyyarədə 7 ekipaj üzvü, 137 yetkin, 17 uşaq və bir də körpə olduğu məlum olub. Onların böyük bir qismi İndoneziya vətəndaşıdır. Sərnişinlər arasında bir İngiltərə, bir Malayziya, bir Sinqapur və üç Cənubi Koreya vətəndaşının da olduğu bildirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi