Yuxarı

ABŞ-ın Əhalinin Siyahıyaalma Bürosunun qərargahında naməlum şəxs atəş açıb

Nəticədə mühafizəçi ölüb, 2 nəfər  polis yaralanıb

Bakı. 10 aprel. REPORT.AZ/ Syutlend şəhərində (Merilend ştatı) ABŞ-ın Əhalinin Siyahıyaalma Bürosunun qərargahında naməlum şəxs atəş açıb və mühafizəçini ağır yaralayıb. "Report" "TASS"a istinadən xəbər verir ki, yaralı xəstəxanaya çatdırıldıqdan bir müddət sonra dünyasını dəyişib. 

Bəzi məlumatlara əsasən, cinayətkar Vaşinqton rayonlarının birində saxlanılarkən polis tərəfindən güllələnib. NBC teleşirkəti xəbər verir ki, atışma zamanı 2 polis yaralanıb, lakin onların həyatı üçün təhlükə yoxdur. 

İnsident iş gününün sonunda qeydə alınıb. Hadisə federal idarənin ərazisində baş verdiyindən, təhqiqatı FTB aparır. 

ABŞ-ın Əhalinin Siyahıyaalma Bürosu Syutlenddə 2006-cı ildən fəaliyyətə başlayıb. Büroda 5 minə yaxın insan çalışır.   

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi