ABŞ-ın Əfqanıstan və İraqdakı əməliyyatlara xərclədiyi maliyyə vəsaitinin həcmi açıqlanıb

Bakı. 2 oktyabr. REPORT.AZ/ ABŞ-a Əfqanıstanda və İraqda hərbi əməliyyatlar, terrorçu İŞİD qruplaşmasına qarşı mübarizə 1 trilyon 700 milyard dollara başa gəlib.

“Report” TASS-a istinadən xəbər verir ki, bu barədə ABŞ-ın dövlət büdcəsi xərclərini təhlil edən Massaçusets ştatının Northempton şəhərində yerləşən “Milli prioritetlər layihəsi” araşdırma təşkilatı məlumat yayıb.

Məlumata görə, 2001-ci ildən Vaşinqton Əfqanıstandakı müharibəyə 785 milyard dollardan artıq xərcləyib: “ABŞ-ın vergi ödəyiciləri bu ölkədəki əməliyyatın hər saatına 4 milyon dollar xərcləyir. 2003-cü ildən İraqdakı əməliyyatlara isə 821 milyard dollar maliyyə vəsaiti sərf olunub".