Yuxarı
    Bağlamaq

    ABŞ-ın ​Çikaqo şəhərində baş vermiş atışmalarda 3 nəfər ölüb, 12 nəfər yaralanıb

    Ölənlər arasında 15 yaşlı qız da var.

    Bakı. 29 may. REPORT.AZ/ ABŞ-ın Çikaqo şəhərində baş vermiş bir neçə silahlı insidentdə ən azı 3 nəfər ölüb, 12 nəfər yaralanıb.

    “Report”un məlumatına görə, bu haqda NBC telekanalı xəbər verib.

    Telekanalın məlumatına görə, ölənlər arasında 15 yaşlı qız da var. O, 28 yaşlı kişi ilə avtomobildə olarkən qara rəngli “Nissan” markalı avtomobildən açılan atəşlə ağır yaralanıb. Qız xəstəxanada dünyasını dəyişib, kişi isə həkimlərin sayəsində ölümdən xilas edilib.

    Daha bir ölüm hadisəsi isə yaşayış binasında baş verib. 23 yaşlı gənc iki nəfərlə dalaşarkən başından aldığı güllə yarası ilə hadisə yerindəcə ölüb.

    Eşbern rayonunda isə 25 yaşlı Mark Lindsi öz avtomobilindı naməlum şəxs tərəfindən güllələnib. Bir neçə güllə yarası alan Mark Lindsi ərazidən getmək istəsə də, onun avtomobili başqa maşınla toqquşub. O, xəstəxanada dünyasını dəyişib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi