Yuxarı

​ABŞ İraq və Suriyada İŞİD-in mövqelərinə 36 zərbə endirib

Terrorçuların silah anbarları və nəqliyyat vasitələri bombardıman edilib

Bakı. 26 Avqust. REPORT.AZ/ Amerika Hərbi Hava Qüvvələri avqustun 25-də İraq və Suriyada "İraq-Şam İslam Dövləti" (İŞİD) terror qruplaşmasının obyektlərinə 36 zərbə endirib.

"Report" xəbər verir ki, bu barədə Pentaqondakı mənbəyə istinadən "Reuters" məlumat yayıb.

İnformasiyaya əsasən, hücuma İŞİD dəstələrinin mövqeləri, həmçinin silah-sursat anbarları və nəqliyyat vasitələri məruz qalıb.

36 zərbədən 31-i İraqın şimal-şərqindəki hədəflərə, xüsusilə Tuz-Xurmatu şəhərinin qəsəbələrinə endirilib. Daha 5 epizodda isə Amerika təyyarəçiləri İŞİD-in Suriyadakı dəstələrini hədəfə alıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi