Yuxarı

ABŞ İrana qarşı yeni sanksiyalar tətbiq edə bilər

Bunu ABŞ Nümayəndələr Palatasının rəhbəri Pol Rayan bəyan edib

Bakı. 9 mart. REPORT.AZ/ "İranın keçirdiyi son raket sınaqları BMT-nin qətnamələrinə ziddir. Bu səbəbdən ABŞ Konqresindəki respublikaçılar Tehrana qarşı yeni sanksiyaların tətbiqini tələb edəcək". "Report"un "Gazeta.Ru"ya istinadən verdiyi xəbərə görə, bunu ABŞ Nümayəndələr Palatasının rəhbəri Pol Rayan bəyan edib.

Onun sözlərinə görə, Konqresdə sanksiyalarla bağlı ciddi iş aparılacaq: "Biz, hakimiyyət müvafiq qərar çıxarana qədər səylərimizi davam etdirəcəyik".

Qeyd edək ki, ABŞ Dövlət Departamentinin rəsmisi Con Kirbi də ötən gün bildirib ki, rəsmi Vaşinqton Tehrana qarşı təktərəfli sanksiyalar tətbiq edə bilər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi