ABŞ hərbçisi Küveytdə həlak olub.
"Report" xarici mətbuata istinadən xəbər verir ki, bu barədə Pentaqon məlumat yayıb.
Bildirilir ki, Qərbi Virciniyadan - Rokportdan olan 30 yaşlı hərbçi Uilyam Edvard Friz qeyri-döyüş şəraitində həlak olub.
Onun Byurinq düşərgəsində həlak olduğu bildirilir. Hadisə ilə bağlı təhqiqat aparılır.
Hərbi qulluqçu İraq və Suriyada İŞİD-ə qarşı "Sarsılmaz qətiyyət" əməliyyatında iştirak edib.