Yuxarı

ABŞ hərbçiləri Liviyada tanınımış terrorçunu məhv ediblər

Liviya hökümətinin icazasi əsasında keçirilən hərbi əməliyyat bu ölkənin şərq regionlarından birinidə baş tutub

Bakı. 15 İyun. REPORT.AZ/ ABŞ hərbçiləri Liviya ərazisində tanınımış terrorçunu məhv ediblər.

"Report"un BBC-yə istinadən verdiyi xəbərə görə, "Əz Qaidə" təşkilatının nüfuzlu liderlərindən biri hesab olunan Muxtar Belmuxtar, amerikalı hərbçilərin Liviya ərazisindəki növbəti hədəfinə çevrilib.

Liviya hökümətinin icazəsi ilə keçirilən hərbi əməliyyat bu ölkənin şərqində baş tutub. Belmuxtarın aviazərbə nəticəsində öldürüldüyü iddia edilir.

Qeyd edək ki, 2013-cü ilin aprel ayında Çad prezidenti bildirmişdi ki, Belmuxtar özünü partladıb. Lakin daha sonra bu xəbər təsdiqini tapmamışdı.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi