Yuxarı

ABŞ generalı: "İŞİD liderləri Mosulu tərk edir"

Qruplaşmanın tərkibində döyüşən xarici vətəndaşlarının şəhəri tərk etmələri çətin olacaq

Bakı. 20 oktyabr. REPORT.AZ/ İŞİD liderləri Mosul şəhərini tərk edir.

"Report" "Anadolu" agentliyinə istinadən xəbər verir ki, bu barədə ABŞ-ın İŞİD əleyhinə koalisiyasının komandanı, general-mayor Qeri Voleski Bağdadda video konfrans yolu ilə bağlandığı Pentaqondakı jurnalistlərin suallarını cavablandırarkən bildirib.

O, qeyd edib ki, Mosulda əməliyyatın başlanmasından cəmi 2 günə qədər vaxt keçsə də, terror qruplaşmasının liderləri və döyüşçüləri şəhəri tərk edirlər. Lakin Qeri Voleski terrorçuların hansı istiqamətə getdiklərini və saylarını açıqlamayıb.

General-mayor həmçinin qeyd edib ki, İŞİD-in tərkibində döyüşən xarici ölkə vətəndaşlarının şəhəri tərk etmələri çətin olacaq və müəyyən vaxt itkisi ilə nəticələnəcək.

"Əməliyyat öncəsi ilə müqayisədə indi Mosulda daha az İŞİD döyüşçüsü var" – deyən general-mayor əməliyyatın nə vaxt başa çatacağı barədə suala cavab verməkdən yayınıb.

"Əl-Məyadin" telekanalı da İŞİD terror qruplaşması silahlılarının Mosul şəhərini tərk etdiyini xəbər verib. Telekanalın məlumatında bildirilir ki, qruplaşmasnın 100 rəhbəri Suriyaya istiqamətlənib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi