Yuxarı
    Bağlamaq

    ABŞ Filippinə silah satmaqdan imtina edib

    Bu problem Rusiya və Çindən alınan silahlarla öz yoluna qoyulur

    Bakı. 5 oktyabr. REPORT.AZ/ Filippin prezidenti Rodriqo Duerte bəyan edib ki, Birləşmiş Ştatlar onun ölkəsinə raket və digər silahları satmaqdan imtina edib, lakin bu problem Rusiya və Çindən alınan silahlarla öz yoluna qoyulur.

    "Report" xəbər verir ki, bu barədə "Reuters" məlumat yayıb.

    O, həmçiinn bildirib ki, ABŞ prezidenti Barak Obama "rədd olub gedə bilər".

    Prezident öz çıxışında bildirib ki, Birləşmiş Ştatlar Filippin ilə münasibətləri yoluna qoya bilmədiyindən, o, xarici siyasət kursunu dəyişmək niyyətindədir.

    Duerte izah edib ki, ABŞ raket və başqa silahlar satmaq istəmir, lakin Rusiya və Çin bəyan edib ki, bizi silahla təmin edə bilər.

    "Əgər siz silah satmaq istəmirsinizsə, mən Rusiyaya müraciət edərəm. Mən generalları göndərdim Rusiyaya və orada bizə dedilər ki, "narahat olmayın, bizdə sizə lazım olan hər şey var və biz bunu sizə verəcəyik", - deyə o bildirib.

    "Çinə gəldikdə isə, onlar bildirdilər ki, sadəcə gəlmək və müqavilə imzalamaq lazımdır və hər şey göndəriləcək", - deyə prezident əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi