ABŞ-da vertolyot qəzaya uğrayıb, 3 nəfər ölüb

Amerikanın Arkanzas ştatında vertolyotun qəzaya uğraması nəticəsində 3 nəfər ölüb, biri yaralanıb.

"Report" xəbər verir ki, bu barədə yerli polis və fövqəladə hallar departamentinə istinadən "KNWA News" telekanalı məlumat yayıb.

Hadisə bazar günü axşam baş verib. Göyərtəsində 4 nəfərin olduğu ekskursiya helikopteri "Backwoods" musiqi festivalının keçirildiyi ərazidə yerə düşüb.

Qəzanın səbəbləri hələ ki, açıqlanmır.