​ABŞ-da təyyarə yaşayış evinin üzərinə düşüb, 3 nəfər ölüb

Bakı. 29 İyun. REPORT.AZ/ Amerikanın Pleynvill şəhərində yüngül motorlu kiçik təyyarə yaşayış evinin üzərinə düşüb.

"Report" xəbər verir ki, bu barədə yerli mətbuatın məlumatında bildirilir.

"The Boston Globe" nəşri yazır ki, insident zamanı 3 nəfər ölüb. Onların hamısı təyyarənin göyərtəsində olublar. Ev sakinlərindən zərərçəkən olmayıb.

Məlumata görə, qəza nəticəsində binada yanğın başlayıb. Hadisə yerinə yanğınsöndürən və xilasedicilər cəlb olunub.