ABŞ-da qadın hərbi bazada atəş açıb

Bakı. 24 oktyabr. REPORT.AZ/ ABŞ silahlı qüvvələrinin Fort-Stüart şəhərində (Corciya ştatı) yerləşən hərbi bazasında atışma olub.

“Report” TASS-a istinadən xəbər verir ki, silahlı insidenti bir qadın törədib.

Bildirilir ki, o, hərbi polis tərəfindən saxlanılıb. İnsident nəticəsində zərər çəkən olmayıb. Qadına qarşı hələ ki, heç bir ittiham irəli sürülməyib.