Bakı. 23 aprel. REPORT.AZ/ ABŞ-da naməlum şəxslər partlayıcı maddə daşıyan qatarı soyublar. "Report" "CBS" telekanalına istinadən xəbər verir ki, hadisə Çikaqodan Ohayoya gedən qatarda baş verib.
Naməlum şəxslər qatardan 227 kiloqram partlayıcı maddə oğurlayıblar. Hüquq-mühafizə orqanları cinayətkarların axtarışına başlayıb.
Oğurluq hadisəsinin baş verməsi yalnız son stansiyada aşkar edilib. Məlum olub ki, vaqondakı partlayıcı maddənin yarısı - 32 kiloqram porotexniki vasitə oğurlanıb.
Hüquq-mühafizə orqanları qatarın keçdiyi 3 ştatda cinayətkarların axtarışına başlayıblar.
Hələlik faktla bağlı saxlanılan yoxdur.