ABŞ-da Panamanın sabiq prezidenti saxlanılıb

Bakı. 13 iyun. REPORT.AZ/ ABŞ-ın Ədliyyə Nazirliyi Panamanın beynəlxlq axtarışa verilən sabiq prezidenti Rikardo Martinellini saxlayıb.

"Report" xəbər verir ki, bu barədə Martinellinin qohumlarına istinadən yerli KİV məlumat yayıb.

O, tezliklə vətəninə ekstradisiya olunacaq.

Martinelli beynəlxalq axtarışa may ayında verilib. O, cinayət törətməkdə şübhəli bilinir. Sabiq prezident korrupsiya və müxalifəti izləməkdə ittiham olunur. Həmçinin onu Panama vizası ilə qanunsuz ticarətdə şübhəli bilirlər.

Keçmiş dövlət başçısını 21 il müddətinə həbs cəzası gözləyir.

Martinelli 2009-2014-cü illərdə Panama prezidenti olub.