ABŞ-da naməlum şəxs qadını və iki azyaşlını yaralayıb

Bakı. 5 sentyabr. REPORT.AZ/ ABŞ-ın Baltimor şəhərində qadın və 2 azyaşlı güllə yarası alıb.

"Report" "RİA Novosti"yə xəbər verir ki, hadisə küçədə baş verib.

Belə ki, yanında 8 yaşlı oğlan və 4 yaşlı qız olan 60 yaşlı qadın küçədə gedərkən naməlum şəxsin hücumuna məruz qalıb. Onlar ayaqlarından güllə yarası alıblar. 

Hücum etmiş şəxs gizlənməyə müvəffəq olub.

Yaralılar xəstəxanaya yerləşdiriliblər.