​ABŞ-da mühərriki yanan təyyarə məcburi eniş edib

Bakı. 29 aprel. REPORT.AZ/ Ötən gün Amerika səmasında mühərriklərindən birində yanğın baş verən sərnişin təyyarəsi Filadelfiya şəhərinin (Pensilvaniya ştatı) beynəlxalq hava limanına qəza enişi edib.

"Report" xəbər verir ki, insident nəticəsində zərər çəkən olmayıb.

Nyu-ark (Nyu-Cersi ştatı) istiqamətində hərəkət edən "United Airlines" şirkətinə məxsus laynerin göyərtəsində 75 nəfər olub. Onlar təyyarə eniş edən kimi təxliyə olunublar. Sərnişinlərdən biri ehtiyat tədbiri məqsədi ilə xəstəxanaya aparılıb.