Bakı. 15 noyabr. REPORT.AZ/ ABŞ Konqresinin ilk müsəlman üzvü Keys Ellison Demokratlar Partiyası sədrliyinə namizədliyini rəsmi olaraq irəli sürüb.
"Report" "Anadolu" agentliyinə istinadən xəbər verir ki, o, bu haqda rəsmi yazılı açıqlama yayıb.
İnformasiyaya əsasən, o, 2006-cı ildə ABŞ-ın Minnesota ştatından konqresə üzv seçilib. O vaxtdan indiydək Keys Ellison "ilk müsəlman konqresmen" olaraq tanınır.
Qeyd edək ki, noyabrın 8-də keçirilən prezident seçkisində Demokratlar Partiyasının namizədi Hillari Klinton respublikaçıların nümayəndəsi Donald Trampda məğlub olub. Bu məğlubiyətdən sonra partiyanın dəyişikliklər edəcəyi ehtimal edilir.