Bakı. 17 yanvar. REPORT.AZ/ ABŞ-ın Mayami şəhərində (Florida ştatı) Martin Lüter Kinq günü bayramının qeyd edilməsi əsnasında baş verən atışmada 8 nəfər xəsarət alıb.
Bu barədə "Report" "ABC News"a istinadən xəbər verir.
Atışma başladıqdan dərhal sonra hadisə yerində çaxnaşma yaşanıb.
Zərərçəkənlərdən altısı güllə yarası alıb. Onlar arasında 3 yeniyetmə, o cümlədən 11 yaşlı qız uşağı da var. Yaralıların hamısı xəstəxanaya çatdırılıb. "7 News Miami" telekanalının məlumatına görə, yaralılardan birinin - 20 yaşlı kişinin vəziyyəti kritikdir.
Hadisədən saat yarım sonra polis iki şübhəli şəxsi saxladığını açıqlayıb. Olay yerində iki tapança tapılıb.