​ABŞ-da 5 nəfər iki naməlum şəxs tərəfindən güllələnib

Bakı. 06 İyun. REPORT.AZ/ ABŞ-ın Luiziana ştatında iki naməlum şəxs 5 nəfəri güllələyib.

"Report" xəbər verir ki, bu barədə Press TV məlumat yayıb.

İnsident ötən günün ikinci yarısında New Orleanda baş verib.

Polisin məlumatına görə, canilər dörd kişini şəhərin bir yerində yaralayıblar, digər zərərçəkən isə altı məhəllə aralıda tapılıb.

Atəş açanlar hazırda azadlıqdadırlar, onlarla polis əməkdaşı onların axtarışı ilə məşğuldur.