ABŞ Boliviyaya səfir təyin edəcək

ABŞ hökuməti Boliviya ilə normal münasibətləri bərpa etmək üçün bu ölkəyə səfir təyin etmək niyyətindədir.

“Report” “Reuters”ə istinadən xəbər verir ki, bu barədə ABŞ dövlət katibinin siyasi işlər üzrə köməkçisi David Heyl məlumat verib.

Qeyd edək ki, Boliviyada bu yaxınlarda devrilən prezident Evo Moralesin başçılıq etdiyi solçu hökumətin iş başında olduğu on il ərzində ABŞ bu ölkəyə səfir göndərməyib.