Yuxarı

​ABŞ Avropanın təhlükəsizliyinin təmin edilməsi üçün xərclərini 4 dəfə artırır

2015-ci ildə bu rəqəm 789 milyon dollar təşkil edib

Bakı. 30 may. REPORT.AZ/ "Rusiyadan gələn təhdidlər və Avropa ölkələrini bürümüş miqrasiya böhranı fonunda NATO Avropanın müdafiə ehtiyaclarını ödəmək üçün 2016-cı ildə xərcləri əhəmiyyətli dərəcədə artıracaq".

"Report" "Financial Times"a istinadən xəbər verir ki, bunu NATO-nun baş katibi Yens Stoltenberq bildirib.

Stoltenberqin sözlərinə görə, Britaniyanın Avropa İttifaqının tərkibindən çıxması Alyansın hərbi ehtiyaclarının ödənilməsində çətinlik yarada bilər: "Böyük Britaniya Avropa İttifaqında NATO-nun əhəmiyyətli müttəfiqidir və ABŞ-dan sonra təhlükəsizliyə ən çox sərmayə qoyan ikinci dövlətdir. Bundan başqa London NATO - Avropa İttifaqı tandemində aparıcı rol oynayır".

"Financial Times" həmçinin yazır ki, NATO-nun bir illik xərcləri konkret rəqəmlərlə göstərilməsə də, bir sıra Avropa ölkələri rəsmiləri xərcləri artıracaqlarını bildirməsi Yens Stoltenberqin dediklərini təsdiqləyir.

Məlumata görə, Estoniya hərbi büdcəni 90 faiz, Latviya - təxminən 60 faiz, Litva 35 faiz artıracaq. Şərqi Avropada əsas hərbi qüvvə sayılan Polşa da bu istiqamətdə maliyyə xərclərini 9 faiz artıracağını bildirib.

Pentaqon isə Avropanın təhlükəsizliyinin təmini üzrə təşəbbüsə 2017-ci ildə 3,4 milyard dollar ayırmağı planlaşdırır. 2015-ci ildə bu rəqəm 789 milyon dollar təşkil edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi