Yuxarı
    Bağlamaq

    70-dən artıq almaniyalı qadın İŞİD-ə qoşulmaq üçün İraq və Suriyaya gedib

    Almaniya əks-kəşfiyyat idarəsindən bildiriblər ki, İŞİD daha çox qadınlar arasında təbliğat aparır

    Bakı. 29 mart. REPORT.AZ/ 70-dən artıq almaniyalı qadın ekstremist qruplaşmalara qoşulmaq üçün Suriya və İraqa gedib. 

    "Report" "TASS"a istinadən xəbər verir ki, bu barədə Konstitusiyanın Müdafiəsi üzrə Federal İdarənin rəhbəri (BFF - Almaniya əks-kəşfiyyat idarəsi) Hans-Georq Maassen bildirib. 

    Onun sözlərinə görə, bu qadınların 40%-nin yaşı 25-dən aşağıdır, 9 nəfəri isə yetkinlik yaşına çatmayıb. 

    H.Maassen qeyd edib ki, İŞİD qruplaşması daha çox qadınlar arasında təbliğat aparır: "İŞİD üzvləri gənc qızlarla məqsədyönlü əlaqə saxlayır və onları qaynar nöqtələrə getməyə təhrik edir. Sosial şəbəkələrdə həmin yerlərdə həyatın romantik təsvirləri ilə gündəliklər mövcuddur". 

    Almaniya əks-kəşfiyyat idarəsinin məlumatına əsasən, Almaniyadan Suriya və İraqa ekstremist qruplaşmaların sıralarında döyüşməyə gedənlərin sayı 650 nəfər təşkil edir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi