Tbilisidəki Azərbaycan Mədəniyyət Muzeyinin direktoruna cümhuriyyətin 100 illiyi medalı təqdim olunub

Gürcüstanın paytaxtı Tbilisi şəhərində yerləşən Mirzə Fətəli Axundov adına Azərbaycan Mədəniyyət Muzeyinin direktoru Leyla  Əliyevaya "Azərbaycan Xalq Cümhuriyyətinin 100 illiyi" medalı təqdim olunub.

"Report"un xəbərinə görə, Diasporla İş üzrə Dövlət Komitəsinin sədri Fuad Muradov bu gün Bakıda medalı Lеyla Əliyevaya təqdim edib.

Qeyd edək ki, L.Əliyeva Prezident İlham Əliyevin sərəncamı ilə “Azərbaycan Xalq Cümhuriyyətinin 100 illiyi” medalı ilə təltif olunub.