Temur Abazov: “Mən çirkin təxribatın qurbanı olmuşam”

Tbilisi. 14 dekabr. REPORT.AZ/ “Mən çirkin təxribatın qurbanı olmuşam”.

“Report”un Gürcüstan bürosunun verdiyi xəbərə görə, bunu ötən gün girov müqabilində azadlığa buraxılmış Marneuli rayonunun keçmiş başçısı Temur Abazov “Rustavi 2” televiziya kanalına bildirib.

T.Abazov ona qarşı irəli sürülmüş ittihamın əsassız olduğunu deyib:

“Tezliklə mənə qarşı böhtan və yalanlarla bağlı məhkəməyə müraciət edəcəyəm. Çünki ailəm təsəvvür edilməz dərəcədə təhqir olunub”.

Rustavi Şəhər Məhkəməsinin qərarı ilə T.Abazov 10 min lari girov məbləğində azadlığa buraxılıb. O, bu il iyunun 13-də Marneuli rayon sakini Elçin Allahverdiyevə qarşı qeyri-insani və alçaldıcı davranış faktı ilə bağlı saxlanılıb. Günahı sübuta yetiriləcəyi təqdirdə, onu 5 ildən 10 ilədək həbs cəzası gözləyirdi.