Nantdakı Qarabağ məktəbinin fəaliyyəti genişləndirilir

Nantdakı Qarabağ məktəbinin fəaliyyəti genişləndirilir Diasporla İş üzrə Dövlət Komitəsinin (DİDK) nümayəndə heyəti Fransanın Nant şəhərinə səfər edib və yeni dərs ilinin başlanması ilə əlaqədar buradakı Qarabağ - Azərbaycan məktəbinin kollektivi ilə görüş keçirilib.
Diaspor
9 Sentyabr , 2019 12:04
Nantdakı Qarabağ məktəbinin fəaliyyəti genişləndirilir

Diasporla İş üzrə Dövlət Komitəsinin (DİDK) nümayəndə heyəti Fransanın Nant şəhərinə səfər edib və yeni dərs ilinin başlanması ilə əlaqədar buradakı Qarabağ - Azərbaycan məktəbinin kollektivi ilə görüş keçirilib.

DİDK-dan "Report"a bildirilib ki, Fuad Muradov və digər qonaqlar məktəbin fəaliyyəti və kollektivin qayğıları ilə maraqlanıb, yeni dərs ilində onlara uğurlar arzulayıblar.

Burada yaşayan onlarla soydaşımızın iştirak etdiyi görüşdə uşaqların təhsil imkanlarının artırılması, məktəbin tədris vəsaitlərilə tam təmin olunması və soydaşlarımızın asudə vaxtlarının səmərəli təşkilinin yaxşılaşdırılması ilə əlaqədar geniş fikir mübadiləsi aparılıb.

Qarabağ - Azərbaycan məktəbinin nümunəvi fəaliyyətinin rəğbətlə qarşılandığı qeyd olunub və məktəbə marağın həddindən artıq olması nəzərə alınaraq fəaliyyətinin genişləndirilməsi məsələsi müzakirə olunub.

Qeyd edək ki, Fransanın Nant şəhərindəki Qarabağ - Azərbaycan məktəbi Azərbaycanın Birinci vitse-prezidenti Mehriban Əliyevanın təşəbbüsü ilə ötən il açılıb.

Məktəbdə keçirilən görüşdə Azərbaycanın Fransadakı səfirliyinin nümayəndəsi də iştirak edib.

Orphus sistemi