Gürcüstanda həmkəndlisini ölümlə hədələyən azərbaycanlı saxlanılıb

Gürcüstanın Saqareco rayonunun Yormuğanlı kənd sakini saxlanılıb.

“Report”un yerli bürosu xəbər verir ki, bu barədə ölkənin Daxili İşlər Nazirliyindən bildirilib.

İstintaqla müəyyən olunub ki, saxlanılan 35 yaşlı Ş.İ. adlı şəxs ötən gün 1979-cu il təvəllüdlü həmkəndlisini təhqir edib və onu bıçaqlayaraq öldürəcəyi ilə hədələyib. O, elə həmin gün Kaxetidə saxlanılıb. 

Polis insidentlə bağlı araşdırmalar aparıb və müvafiq ekspertizalar təyin edib.