Gürcüstanda azərbaycanlıların yaşadığı kənddə yeni məktəb tikiləcək

Gürcüstanın Marneuli rayonunun Qasımlı kənd ictimai məktəbi üçün yeni bina inşa olunacaq.

“Report”un yerli bürosu xəbər verir ki, müasir standartlara cavab verəcək tam orta məktəb binası 2021-ci ilin sonunda hazır olacaq.

Azərbaycandilli təhsil müəssisəsi 450 şagird üçün nəzərdə tutulub. Bina 24 sinif, dörd laboratoriya otağı, kompüterlərlə təchiz olunmuş müasir kitabxana, akt zalı, daxili idman zalı və həyətdə əlavə stadiondan ibarət olacaq.

Qeyd edək ki, Marneulidə bu il 13 məktəbdə təmir-bərpa işlərinin aparılması nəzərdə tutulub.