Azərbaycan diasporu Rusiya Günü ilə bağlı bayram tədbirlərində iştirak edib

Moskva. 12 iyun. REPORT.AZ/ İyunun 12-də Rusiyada milli bayram - Rusiya Günü qeyd olunur.

"Report"un Rusiya bürosunun məlumatına görə, bayram çərçivəsində Moskvada Çoxmillətli Rusiya Festivalı keçirilir və festivalda Azərbaycan diasporu da iştirak edir.

Belə ki, Rusiya Azərbaycanlıları Federal Milli-Mədəni Muxtariyyətinin (AzerRos FMMM) və "Azərbaycan mədəniyyətinin inkişaf və dirçəlişi" (AMİD) Fondunun nümayəndələri xalq gəzintisində iştirak edərək, Rusiya xalqı ilə həmrəy olduqlarını göstəriblər.