Yuxarı

Yunanıstan Prezidenti Nizami Gəncəvi Beynəlxalq Mərkəzinin üzvlərini qəbul edib - FOTO

Beynəlxalq tədbirlərin dünyada bir sıra qlobal problemlərin həllinə verə biləcəyi töhfələr müzakirə olunub

Bakı. 5 fevral. REPORT.AZ/ IV Qlobal Bakı Forumuna hazırlıq görüşləri çərçivəsində Yunanıstan prezidenti Prokopis Pavlopulos İsgəndəriyyə Kitabxanasının direktoru, Nizami Gəncəvi Beynəlxalq Mərkəzinin həmsədri İsmayıl Səragəldini, YUNESKO-nun xoşməramlı səfiri, NGBM-in idarə heyətinin üzvü Marianna Vardinoyannisi və Nizami Gəncəvi Beynəlxalq Mərkəzinin üzvlərini qəbul edib. Bu barədə "Report"a Diasporla İş üzrə Dövlət Komitəsinin (DİDK) mətbuat xidmətindən məlumat verilib.

Qəbulda Yunanıstan Prezidentinə Nizami Gəncəvi Beynəlxalq Mərkəzi və 2013-cü ildən etibarən hər il Bakıda keçirilən Qlobal Forumlar ilə bağlı məlumat verilib. Həmçinin bu Forumların əhəmiyyəti, bu cür beynəlxalq tədbirlərin dünyada baş verən bir sıra qlobal problemlərin həllinə verə biləcəyi töhfələr müzakirə olunub.

Həmin gün Yunanıstanın məşhur Akropolis Muzeyində İsgəndəriyyə Kitabxanasının direktoru, NGBM-in həmsədri İsmayıl Səragəldinin rəhbərliyi ilə mühazirə təşkil olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi