Ukrayna Ali Radası ölkədəki azərbaycanlılara təşəkkür elan edib

Kiyev. 1 fevral. REPORT.AZ/ Ukrayna Ali Radası (parlament) ölkədə yaşayan azərbaycanlılara rəsmən təşəkkür elan edib.

“Report”un Kiyev bürosunun verdiyi məlumata görə, Ali Radadan təşəkkür məktubunu Birləşmiş Ukrayna Azərbaycanlıları Konqresinin (BUAK) sədri Rövşən Tağıyevə Ukrayna- Azərbaycan parlamentlərarası dostluq qrupunun rəhbəri Maksim Kuryaçie göndərib.

Məktubda Ali Rada adından Nikolayev şəhərində ukraynalı ailəni yanğından xilas edən Umud və Sabir Şirinov qardaşlarının qəhrəmanlıqlarına və xeyirxahlıqlarına görə onlara və bütün koqnres üzvlərinin timsalında azərbaycanlılara təşəkkür elan olunub.