Yuxarı
    Bağlamaq

    Moskvada yaşayan azərbaycanlı Rus Pravoslav kilsəsinin ordeninə layiq görülüb

    Orden Domodedovo şəhərində inşa edilən kilsədəki mərasim zamanı təqdim olunub

    Bakı. 18 fevral. REPORT.AZ/ Ümumrusiya Azərbaycan Konqresinin (ÜAK) Moskva vilayət bölməsinin sədri, “Günay” İstehsalat-Kommersiya Firmasının rəhbəri Rusiyanın əməkdar inşaatçısı Əlizaman Rəhimov Moskvanın və bütün Rusiyanın patriarxı Kirillin fərmanı ilə Rus Pravoslav kilsəsinin III dərəcəli “Müqəddəs mömin Moskva knyazı Daniil” ordeninə layiq görülüb.

    Bu barədə “Report”a Diasporla İş üzrə Dövlət Komitəsinin mətbuat xidmətindən məlumat verilib.

    Ordeni Krutitsa və Kolomna mitropoliti Yuvenali mömin knyazlar Pyotr və Fevroninin şərəfinə Domodedovo şəhərində inşa edilən kilsədəki mərasim zamanı təqdim edib. Krutitsa və Kolomna mitropoliti Yuvenali yüksək ordeni təqdim edərək, məbədlərin tikintisində və bərpasında iştirak etdiyinə, Moskva vilayətinin Domodedovo şəhərinin inkişafına və abadlaşdırılmasına, habelə Rusiya ilə Azərbaycan arasında dostluq münasibətlərinin möhkəmləndirilməsinə verdiyi töhfələrə görə Ə.Rəhimova şəxsən öz adından, Moskva və bütün Rusiya patriarxı adından minnətdarlığını bildirib.

    Ə.Rəhimovdan başqa, “Günay” şirkətinin baş direktorunun müavini V.İ.Karamnov, kilsənin tikintisində yaxından iştirak edən şirkətin digər nümayəndələri də kilsə tərəfindən mükafatlandırılıb və Moskva Yeparxiya İdarəsinin fəxri fərmanlarına layiq görülüblər.

    Domodedovo şəhər dairəsinin başçısı Leonid Kovalevski, Azərbaycan Respublikasının Rusiya Federasiyasındakı səfirliyinin müşaviri Aqşin Əliyev, ÜAK-ın Moskva vilayəti üzrə regional bölməsinin icraçı direktoru Araz Mürsəliyev və başqaları mərasimdə çıxış edərək yerli sakinləri yeni kilsənin açılışı münasibətilə təbrik ediblər.

    Qeyd edək ki, azərbaycanlı Əlizaman Rəhimovun rəhbərlik etdiyi “Günay” firması Moskva vilayətində aparıcı və etibarlı tikinti şirkətlərindən biri sayılır. Şirkət eyni zamanda maarifləndirmə və xeyriyyəçilik fəaliyyətinə də xüsusi diqqət ayırır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi