Yuxarı

Moskvada Rusiya Azərbaycanlı Gənclər Birliyinin VI Forumu keçirilir

Forumda Heydər Əliyev Fondunun vitse-prezidenti, RAGB-ın sədri Leyla Əliyeva iştirak edir

Bakı. 31 oktyabr. REPORT.AZ/ Moskvanın Beynəlxalq Ticarət Mərkəzində Rusiya Azərbaycanlı Gənclər Birliyinin (RAGB) “RAGB: gənclərin layiqli gələcəyi naminə” mövzusunda VI Forumu keçirilir.

"Report"un məlumatına görə, Forumda Heydər Əliyev Fondunun vitse-prezidenti, RAGB-ın sədri Leyla Əliyeva iştirak edir.

Forum çərçivəsində RAGB-ın hesabat-seçki yığıncağı keçiriləcək. RAGB-ın regional bölmələrinin fəallarının, Azərbaycan diasporunun nümayəndələrinin və Rusiya gənclər təşkilatlarının təmsilçilərinin iştirak etdiyi Forumun bölmələrində “Azərbaycan və yeni dövrün çağırışları”, “IDEA – bir dünya, bir gələcək”, “Ədalət səfiri ol”, “Turizmin və diyarşünaslığın inkişafı gənclərin vətənpərvərlik və mənəvi-əxlaqi tərbiyəsinin vasitəsi kimi”, “Gənclər karyera inkişafı: sahibkarlıq və uğura aparan yol” mövzularında müzakirələr aparılacaq.

Forum Azərbaycanın və Rusiyanın estrada ulduzlarının iştirakı ilə böyük konsert proqramı ilə başa çatacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi