Yuxarı
    Bağlamaq

    Maltada Nizami Gəncəvi Beynəlxalq Mərkəzinin ali səviyyəli toplantısı keçiriləcək

    Nizami Gəncəvi Beynəlxalq Mərkəzinin nümayəndələri Maltanın baş naziri ilə görüşüb

    Bakı. 21 sentyabr. REPORT.AZ/ Nizami Gəncəvi Beynəlxalq Mərkəzinin (NGBM) növbəti ali səviyyəli toplantılarından biri Maltada keçiriləcək.

    Diasporla üzrə Dövlət Komitəsindən "Report"a verilən məlumata görə, bu məsələ Nyu-Yorkda səfərdə olan mərkəzin nümayəndə heyəti ilə Maltanın baş naziri Jozef Muskatın görüşündə müzakirə edilib. Müzakirələrin nəticəsi olaraq 2017-ci ildə Malta baş nazirinin himayəsi ilə Nizami Gəncəvi Beynəlxalq Mərkəzinin ali səviyyəli toplantısının keçirilməsinə dair razılığa gəlinib.

    Görüşdə həmçinin Mərkəzin fəaliyyəti, yeni əməkdaşlıq imkanları, qarşıda duran vəzifələr, gələcək planlar və V Qlobal Bakı Forumu müzakirə olunub. Eləcə də qlobal və regional məsələlərə dair fikir mübadiləsi aparılıb.

    Görüşdə NGBM-in İdarə Heyətinin üzvləri - Serbiyanın sabiq prezidenti Boris Tadiç, Bolqarıstanın keçmiş prezidenti Petar Stoyanov, Finlandiyanın sabiq prezidenti Tarja Halonen, Diasporla İş üzrə Dövlət Komitəsinin sədri Nazim İbrahimov, Bosniya və Herseqovinanın sabiq baş naziri Zlatko Laqumdziya, Ukraynanın sabiq birinci xanımı Katerina Yuşşenko və Mərkəzin baş katibi Rövşən Muradov iştirak ediblər.

    Qeyd edək ki, Maltanın baş naziri Jozef Muskat Diasporla İş üzrə Dövlət Komitəsini dəstəyi və Nizami Gəncəvi Beynəlxalq Mərkəzinin təşkilatçılığı ilə 2015-ci ilin aprel ayında keçirilən III Qlobal Bakı Forumuna qatılıb. Jozef Muskat 2014-cü ilin dekabr ayında bAzərbaycanda səfərdə olub və bir sıra rəsmi görüşlərdə iki ölkə arasında müxtəlif sahələrdə əməkdaşlıq məsələləri barədə müzakirə aparıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi