Yuxarı

Gürcüstanda azərbaycanlıların yaşadığı rayonda məcburi köçkün qəsəbəsi salınacaq

​Gürcüstanda azərbaycanlıların yaşadığı rayonda məcburi köçkün qəsəbəs

Gürcüstanda azərbaycanlıların yığcam yaşadıqları Marneuli rayonunda məcburi köçkünlər üçün qəsəbə salınacaq.

“Report”un yerli bürosu xəbər verir ki, qəsəbə Gürcüstan və Almaniya hökumətləri arasında bu ilin fevral ayında imzalanmış 10 mln. avro məbləğində qrant müqaviləsi çərçivəsində inşa olunacaq.

Layihə ilə bağlı Gürcüstanın Məcburi Köçkünlərin İşləri, Əmək, Səhiyyə və Sosial Müdafiə Nazirliyində görüş keçirilib. Görüşdə Kvemo Kartli bölgəsinin qubernatoru Şota Rexviaşvili, Marneuli rayon icra başçısı səlahiyyətlərini yerinə yetirən Zaur Tabatadze, Danimarka Qaçqınlar Şurasnın Gürcüstan Nüyaməyəndəliyinin direktoru Vinsent Donto arasında görüş keçirilib. Tərəflər Kvemo Kartli bölgəsində həyata keçiriləcək tədbirlər və gələcək əməkdaşlıq perspektivlərini müzakirə ediblər.

Bu il start veriləcək və 2021-ci ildə başa çatdırılacaq layihəyə əsasən, Marneulidə bir neçə ildir yaşayan və kənd təsərrüfatı ilə məşğul olan 32 məcburi köçkün ailəsi üçün fərdi evlərdən ibarət kənd tipli qəsəbə inşa olunacaq. Yaşayış evlərinin tikintisi ilə bağlı ilkin büdcə 25 min avro təşkil edir.

Yeni evlərdə məskunlaşacaq məcburi köçkünlərin məşğulluğu üçün qrantların ayrılması da nəzərdə tutulub.

Almaniya İnkişaf Bankının (KfW) maliyyələşdirəcəyi layihəni Danimarka Qaçqınlar Şurası həyata keçirəcək.

Qeyd edək ki, hazırda Gürcüstanda Abxaziya və Tsxinval bölgəsindən olan, təxminən, 267 min məcburi köçkün yaşayır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi