Yuxarı

Gürcüstanda azərbaycanlı ər-arvadın xüsusi amansızlıqla qətlə yetirilməsi ilə bağlı saxlanılan yoxdur

Gürcüstanda azərbaycanlı ər-arvadın xüsusi amansızlıqla qətlə yetirilməsi ilə bağlı saxlanılan yoxdur

Gürcüstanın Qardabani rayonunun Aşağı Kəpənəkçi kəndində 5 gün öncə azərbaycanlı ər-arvad - İskəndər MusayevŞəfiqə Musayevanın xüsusi amansızlıqla qətlə yetirilməsi ilə bağlı hələ saxlanılan şəxs yoxdur.

“Report”un yerli bürosu xəbər verir ki, bu barədə Gürcüstanın “Rustavi 2” televiziya kanalının hazırladığı reportajda bildirilib.

Qətlin istintaqı bir neçə versiya üzrə aparılır. Qətlin sifarişli olduğu da istisna edilmir.

Digər versiyaya əsasən, qətlə yetirilənlərin oğlunun “oğru dünyası” ilə əlaqələri olub.

Musayevlərin oğlu Edik Musayev Rusiyadan Gürcüstana qayıdıb. O, heç bir düşməninin olmadığını deyib. E.Musayev cinayət əməlinin “oğru dünyası” ilə əlaqəli olması iddialarını da rədd edib.

O bildirib ki, cinayəti törədənlərin evin divarında “Edik, tez gəl, səninlə hesablaşaq!” sözləri izi itirmək məqsədi daşıyıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi