Dövlət Komitəsinin sədri Parisdə Əlimərdan bəy Topçubaşovun məzarını ziyarət edib

Bakı. 11 iyul. REPORT.AZ/ Diasporla İş üzrə Dövlət Komitəsinin sədri Fuad Muradovun Avropaya rəsmi səfəri davam edir. 

Dövlət Komitəsindən "Report"a verilən məlumata görə, sədrin başçılıq etdiyi nümayəndə heyəti Fransada Azərbaycanın görkəmli siyasi xadimi, Bakıda Müsəlman Milli Şurasının Müvəqqəti İcraiyyə Komitəsinin üzvü, Azərbaycan Xalq Cümhuriyyəti Parlamentinin sədri Əlimərdan bəy Topçubaşovun məzarını ziyarət edib, məzar üzərinə gül dəstələri qoyub, xatirəsini ehtiramla yad edib.