Yuxarı

​Bosniya və Herseqovinanın xarici işlər naziri Bakıya gəlir

Zlatko Laqumdjiyanın “Yeni dünya düzənində etimadın yaradılması” mövzusuna həsr olunan Forumda çıxışı planlaşdırılır

Bakı. 22 aprel. REPORT.AZ/ Bosniya və Herseqovinanın xarici işlər naziri və baş nazirin birinci müavini Zlatko Laqumdjiya aprelin 27-də Bakıya gələcək. Bu barədə “Report”a Diasporla İş üzrə Dövlət Komitəsinin (DİDK) mətbuat xidmətindən bildirilib.

Zlatko Lagumdzijanın səfərinin məqsədi DİDK-nin dəstəyi ilə Nizami Gəncəvi Beynəlxalq Mərkəzi tərəfindən aprelin 28-29-da keçiriləcək III Qlobal Açıq Cəmiyyətlər Forumunda iştirak etməkdir. “Yeni dünya düzənində etimadın yaradılması” mövzusuna həsr olunan Forumda Zlatko Laqumdjiyanın çıxışı planlaşdırılır.

Qeyd edək ki, 2001-2002-ci illərdə Bosniya və Herseqovinada Baş nazir olmuş Zlatko Laqumdjiya Sosial Demokrat Partiyasının sədridir. O, kompüter elmləri və elektrotexnika sahəsi üzrə akademikdir.

Xatırladaq ki, Forumun işində 40-dan çox ölkə, sabiq və indiki prezident, baş nazir və xarici işlər naziri səviyyəsində təmsil olunacaq. Ümumilikdə isə 75 ölkədən 350-dək nümayəndənin iştirakı gözlənilir. Forum çərçivəsində yeni dünya nizamının başlıca problemləri, Avropa İttifaqı və qonşuluq, enerji təhlükəsizliyi, etimadın qurulmasında dinlərarası dialoq, sülhün qorunmasında qadınların rolu, təhlükəsizliyin təminatında yerli, milli və regional inteqrasiyanın əhəmiyyəti kimi mövzular barədə müzakirələr aparılacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi