Yuxarı
    Bağlamaq

    Azərbaycan və Ukraynanın məşhur şəxsləri haqqında ensiklopediya buraxılacaq

    Kitaba 8 min 500-dən çox şəxsin bioqrafiyası daxil ediləcək

    Kiyev. 11 yanvar. REPORT.AZ/ Ukrayna və Azərbaycan arasında möhkəm dostluq münasibətlərinin təzahürü olaraq məşhur azərbaycanlı və ukraynalılar haqqında ensiklopediya hazırlanacaq. Layihənin təşəbbüskarı və həyata keçirəni "Azərbaycan-Ukrayna" beynəlxalq alyansıdır.

    Bu barədə "Report"a alyansın rəhbəri Elmar Məmmədov məlumat verib.

    Onun sözlərinə görə, bioqrafik ensiklopediya "Ukrayna və Azərbaycanın məşhur şəxsləri" adlanacaq. E.Məmmədov bildirib ki, nəşr üzərində hər iki ölkənin respublika və yerli hakimiyyət orqanlarının nümayəndələri, həmçinin nüfuzlu ictimai, elmi və peşəkar təşkilatların nümayəndələri işləyəcəklər.

    E.Məmmədov qeyd edib ki, ensiklopediyaya hər iki ölkənin siyasi, həmçinin inzibati, işgüzar, elmi və mədəni elitasının 8 min 500-dən çox şəxsinin bioqrafiyasının daxil edilməsi planlaşdırılır.

    Nəşrin 1200 səhifədən ibarət olacağı gözlənilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi