Yuxarı

Avstraliyada ermənilərin aksiyası uğursuzluğa düçar olub

Onlar Azərbaycan səfirliyi qarşısında aksiya keçirməyə cəhd göstəriblər

Bakı. 10 aprel. REPORT.AZ/ Aprelin 8-də ermənilərin Avstraliyadakı Azərbaycan səfirliyi qarşısında etiraz aksiyası keçirmək cəhdi bu ölkədə yaşayan azərbaycanlıların ciddi səyi nəticəsində baş tutmayıb.

Avstraliyada təhsil alan tələbələrin "Report"a verdikləri məlumata görə, aprelin əvvəlində Dağlıq Qarabağ münaqişəsi zonasında yaşanan gərginlik barədə yerli ictimaiyyətə yalan məlumat çatdırmaq istəyən ermənilər, orada təhsil alan azərbaycanlı tələbələrin və diaspora üzvlərinin sərt reaksiyası ilə qarşılaşıblar.

“Səfirlik önünə gələn ermənilər azərbaycanlıların burda olacağını gözləmirdilər. Onlar saylarını çox göstərmək üçün uşaq və qocaları da sıralarına cəlb etmişdilər. Aksiyada erməni din xadimləri də iştirak edib", - deyə məlumatda bildirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi