Yuxarı
    Bağlamaq

    ​Xorvatiyanın baş məşqçisi: "Qalib gəlsək, sərxoş olana qədər içəcəyik"

    Ante Çaçiç: Futbolçularıma inanıram

    Bakı. 15 iyun. REPORT.AZ/ Avropa çempionatının D qrupunda mübarizə aparan Xorvatiyanın baş məşqçisi Ante Çaçiç Çexiya ilə oyunöncəsi maraqlı açıqlama verib.

    "Report"un məlumatına görə, 63 yaşlı mütəxəssis qrupda ikinci qələbələrini qazanacaqları təqdirdə sərxoş olana qədər içəcəklərini bildirib.

    A.Çaçiç komandasına güvəndiyini söyləyib: "Futbolçularıma inanıram. Çexiyanı məğlub etsək, bu qələbəni qeyd edəcəyik. Üstəlik sərxoş olana qədər içəcəyik".

    Çexiya ilə oyunda əldə olunacaq 3 xal xorvatların növbəti mərhələyə vəsiqə qazanmasını təmin edəcək. Xorvatiya hazırda İspaniya yığması ilə eyni - 3 xala sahibdir. Komanda ilk oyunda Türkiyə üzərində 1:0 hesablı qələbə qazanıb.

    Qeyd edək ki, Çexiya - Xorvatiya oyunu iyunun 17-də keçiriləcək. Maçtın start fiti Bakı vaxtı ilə saat 20:00-da səslənəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi