Xorvatiya millisindən kənarlaşdırılan futbolçuya dünya çempionatının gümüş medalı veriləcək

Bakı. 19 iyul. REPORT.AZ/ Rusiyada keçirilən 2018-ci il dünya çempionatının gedişində Xorvatiya millisinin heyətdən kənarlaşdırılan Nikola Kaliniçə gümüş medal veriləcək.

“Report” xəbər verir ki, bu barədə mundialın finalında Fransa kollektivinə 2:4 hesabı ilə uduzan Xorvatiya millisinin press-ataşesi Tomislav Paçak bildirib.

“Yığma üzvləri qərara gəldilər ki, Kaliniç də dünya çempionatının medalını alsın”, - Paçak 24sata.hr saytına söyləyib.

Qeyd edək ki, Kaliniç qrup mərhələsində Nigeriya ilə görüşün sonlarında (2:0) əvəzetmədən meydana daxil olmaqdan imtina etdiyi üçün heyətdən kənarlaşdırılmışdı.